នាយករដ្ឋមន្រ្តី ហ៊ុន ម៉ាណែត បានយល់ព្រមឲ្យដំឡើងបៀវត្ស២ដុល្លារ ដល់កម្មកររោងចក្រកាត់ដេរ ពី២១០ដុល្លារ  ទៅ២១២ដុល្លារក្នុងមួយខែ សម្រាប់ឆ្នាំ២០២៧ បន្ទាប់ពីការចរចាជាច្រើនលើក ខណៈសេដ្ឋ កិច្ចជាតិ មូលនិធិរូបិយវត្ថុអន្តរជាតិ IMF ព្យាករថា នឹងធ្លាក់ចុះត្រឹម ៣% ក្នុងឆ្នាំ២០២៦នេះ។ ការសម្រេចនេះធ្វើឡើងនៅថ្ងៃទី៣០ ខែកញ្ញា បន្ទាប់ពីក្រុមប្រឹក្សាជាតិប្រាក់ឈ្នួលអប្បបរមាបានបញ្ចប់ការចរចា និងបោះឆ្នោតលើសំណើពីតំណាងនិយោជក និងកម្មករ ដែលគេមិនទាន់ដឹងច្បាស់ថា តើកម្មករនឹងទទួលយក
២១២ដុល្លារ តិចជាងពីការទាមទារចង់បានចំនួន ២២៥ដុល្លារ ឬទេ។ មុនការបោះឆ្នោត ភាគីនិយោជកបានស្នើរក្សាប្រាក់ឈ្នួលនៅត្រឹម ២១០ដុល្លារ ខណៈតំណាងកម្មករបានស្នើ២២៥ដុល្លារ។ តួលេខ២១០ដុល្លារ ទទួលបានសំឡេងគាំទ្រ៤៧ ក្នុងចំណោម ៥១សំឡេង ឬលើស ពី២ភាគ៣។ ប៉ុន្តែបន្ទាប់ពីការបោះឆ្នោត លោកនាយករដ្ឋមន្ត្រី ហ៊ុន ម៉ាណែត បានសម្រេចបន្ថែម ២ដុល្លារ ធ្វើឱ្យប្រាក់ឈ្នួលអប្បបរមាសម្រាប់ឆ្នាំ២០២៧ កើនដល់ ២១២ដុល្លារ ដែលជាការសម្រេចជំនួសកម្មករ និង តំណាងម្ចាស់ក្រុមហ៊ុន ផ្ទុយពីបំ   ណងពួកគេ ពោលគឺខុសគ្នា ១៣ដុល្លារក្នុងមួយខែ។

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f