ប្រធាន គណៈកម្មាធិការ នៃរដ្ឋសភាអាមេរិកាំង ពីររូបខាងបក្ស សាធារណរដ្ឋ គឺ លោក Brian Mast ប្រធាន គណៈកម្មាធិការ ផ្នែកកិច្ចការបរទេស ជាតំណាងរាស្រ្តពីរដ្ឋ Florida និង លោក John Moolenaar ប្រធាន គណៈកម្មាធិការបណ្តោះអាសន្នផ្នែកកិច្ចការប្រទេសចិន ជាតំណាងរាស្រ្តពីរដ្ឋ Michigan បានសរសេរលិខិតរួមគ្នាកាលពីថ្ងៃអង្គារ ទី១៥ ខែកញ្ញា ម្សិលមិញនេះ ទៅកាន់រដ្ឋមន្រ្តី ក្រសួង ការបរទេស Marco Rubio រដ្ឋមន្រ្តី ក្រសួង ហិរញ្ញវត្ថុ Scott Bessent ដោយចម្លងផ្ញើទៅរដ្ឋមន្រ្តី ក្រសួង យុត្តិធម៌ Todd Blanche និង រដ្ឋមន្រ្តី ក្រសួង សន្តិសុខផ្ទៃប្រទេស Markwayne Mullin ស្នើឲ្យកំណត់អត្ថន័យឲ្យច្បាស់ ថាតើមនុស្សជាជនបរទេសរាយឈ្មោះមួយចំនួន ស្ថិតក្នុងរង្វង់ច្បាប់ត្រូវដាក់ទណ្ឌកម្មតាមអំណាចច្បាប់អាមេរិកាំង មានដូចជា ច្បាប់ the Global Magnitsky and Human Rights Accountability Act ដែរ ឬយ៉ាងណា។ មាត្រាច្បាប់នេះ មានចែងអំពីការដាក់ ទណ្ឌកម្មលើជនណារំលោភសិទ្ធិមនុស្ស ជនណាធ្វើជាភ្នាក់ងារ (ដៃជើង) ឲ្យគេ ឬ ក្នុងនាមជនបរទេសណាម្នាក់ ឬមន្រ្តីរដ្ឋាភិបាលណាមួយ ដែលជំពាក់ជំពិននឹងរឿងរំលោភសិទ្ធិមនុស្សន ការសមគំនិតក្នុងអំពើពុករលួយ ត្រូវផ្តន្ទាទោស។ ច្បាប់នេះ សភាបានបន្ថែមមាត្រាខ្លះទៀតនាឆ្នាំ២០១៩ សំដៅដាក់ទណ្ឌកម្មដល់មន្រ្តីរដ្ឋាភិបាលបរទេសទាំងឡាយណា ដែលចូលដៃ សម្រួលកិច្ចការ ឬ បិទភ្នែកធ្វើមិនឃើញ បិទត្រចៀកធ្វើថ្លង់ ដើម្បីរកផលប្រយោជន៍ខាងហិរញ្ញវត្ថុ។

សូមជួយឧបត្ថម្ភ ឌឹ ខេមបូឌា ដេលី តាមរយៈ GoFundMe ៖ https://gofund.me/302d534f