今集《緬甸堂》邀請到香港設計師Hector Chan 同我哋分享一下「分享品味」嘅過程。
Hector Chan 本身做室內設計做咗二十幾年，但近呢幾年，唔少人反而係喺 Instagram 先認識佢。
由分享一張椅、一盞燈、一個垃圾桶開始，講到設計背後嘅故事、品味點樣形成，甚至點樣喺呢個資訊爆炸、
人人都話自己有 style 嘅年代，慢慢搵返自己真係鍾意乜。
今集我哋由香港家具文化、G.O.D. 年代、淘寶點樣改變審美，
一路傾到做內容，點樣克服「想做但唔敢做」嗰種驚。
Hector 用一個設計師嘅角度，講點樣喺變咗樣嘅世界入面，
繼續守住品味、保持好奇，同埋最重要——唔好俾「驚」拖住自己。
今集除咗有好多家具設計同收藏小故事，
仲會講到點解一個人去到某個年紀，反而更加應該開始做自己真正想做嘅事。