今集《緬甸堂》請嚟屬於香港嘅《百萬富翁》-陳啟泰
「最後答案？」呢句真係一代人回憶。
但原來螢幕前風光背後，陳啟泰近年經歷過嘅，遠比大家想像中複雜。
今集佢罕有講到自己疫情期間陷入健康低潮，長期失眠加情緒問題，
一步一步走返出嚟，坦白分享太太喺最艱難時期點樣救返自己。
除咗人生低谷，今集仲有大量《百萬富翁》猛料。
節目點樣爆紅、明星版背後點樣設計效果、
點解有啲經典場面會令人記到今日，周星馳當年上節目幕後趣事。
好多你以為知道嘅經典畫面，原來背後仲有另一層故事。
由TVB到亞視、由主持到拍劇、由香港做到內地，陳啟泰今次真係講足佢幾十年演藝路。
我哋一齊聽下一把成就過《百萬富翁》嘅聲音，話我哋知原來生活上，
唔單止有好多個錦囊，因為目標，從來唔止係百萬。
而可以同各位觀眾擁抱過呢段回憶，我哋已經係富翁。