之前介紹 Windlink VPN Router 時，有觀眾話：「香港測試當然快，應該拎返中國內地試先有意思。」

今次就真係帶住佢去 西安實測！

而結果比我預期更加誇張：酒店本身 High Speed Wi-Fi 測速只有大約 10.1Mbps 下載 / 1.85Mbps 上載，但接上酒店 LAN 線，再經 Windlink VPN Router 之後，下載速度最高實測去到 254Mbps，部分節點測試期間甚至一度超過 300Mbps。

今集亦實際測試咗多個節點，包括：

美國、巴西、香港以及自動模式

其中手動模式整體比較穩定，美國節點可以正常開啟 YouTube，影片亦可以正常播放；另外亦成功登入及使用 ChatGPT，實際叫 AI 幫我繼續製作「電視盒子選購神器」下一個版本。

不過今次測試亦發現一個非常重要嘅問題：

Windlink 並唔係去到每一間酒店都一定用到。

之前我喺東莞酒店測試時，插上酒店網線後連基本網絡訊號都冇，Router 上代表網絡嘅指示燈亦冇亮，所以並唔係 VPN 本身壞咗，而係酒店網絡接口根本冇正常輸出。

今次西安酒店就成功使用，因此如果大家打算帶 Windlink 去旅行或者出差使用，都要留意酒店有冇提供可以正常使用嘅 LAN 網絡接口。

另外片中亦會講到：

Windlink 救援鍵有咩用？
中國聯通／中國電信與中國移動／中國廣電有咩分別？
自動模式點解反而有機會唔正常？
手動節點應該點揀？
酒店使用究竟可唔可以 100% 保證？

今次測試結論係：如果網絡環境支援，Windlink VPN Router 喺中國內地確實可以做到相當不錯嘅下載速度，而且 YouTube、ChatGPT 都成功實際使用；不過佢本身定位始終比較適合 中國內地有固定住所嘅用戶，酒店使用就要視乎現場網絡環境。

如果大家有其他 Windlink 節點、使用場景或者功能想我再測，歡迎留言話我知。

記得 Comment、Like、Share 同 Subscribe「Gadget Hero」，再撳埋通知鈴鐺！

#Windlink #VPNRouter #VPN #中國內地 #西安 #ChatGPT #YouTube #WiFi #Router #AhKwan試左先講