⛪ Sunday Service — Every Sunday
📍 Location: 297–305 Old Castlereagh Rd, Castlereagh NSW 2749
⏰ Time: 10:00AM

━━━━━━━━━━━━━━━━━━━━━━━━━━━━━━━
📖 Tusi Faitau Aso EFKAS 2026


VAITAU O LE OLAGA – SEASONS OF LIFE

1. Fa’afailele (Nurture)
Aso Sā – Auk. 9: “Ua pisi tele ua le fia galue ai; ua pisi tele ua le malolo ai”
Tusi Faitau – Failauga 3:1-8 (Too busy to be bored; too busy to stop)
Matua – f. 6, 7: “o ona po e saili ai, ma ona po e tu’u ai ua le iloa; o ona po e tausi ai, ma ona po e lafoa’i ai; o ona po e saei ai, ma ona po e su’i ai; o ona po e fa’alologo ai, ma ona po e tautala ai”

Ua uma ona fa’atulaga e le Atua vaitau o le olaga e fa’afailele ai le soifua o le tagata. E i ai le taimi e galue ai ma le taimi e malolo ai. A e peita’i, ua galulue fa’asoloatoa tagata i le ao ma le po i le vaiaso atoa, a ua leai se taimi e malolo ma moe lelei ai. E le leaga le toaga e faigaluega, ae tatau lava ona i ai se taimi e malolo ai. E taua le galue malosi. A e taua fo’i le malologa i le tino, le mafaufau, aemaise le agaga. E i ai tagata ua pisi tele i galuega ma ua le vaivai ai e faigaluega. E i ai fo’i nisi ua pisi tele e le mafai ona nofonofo. A e peita’i, e i ai le taimi e pisi ai, e i ai fo’i le taimi e nofonofo ai. O lona uiga, ia o fa’atasi le taimi ma le finagalo o le Atua. O le ao na faia e le Atua e galulue ai i feau ma tiute. A o le po, e malolo ai le mafaufau ma le tino mai galuega. A ua le mafai e le to’atele ona malolo. A ua ala fa’asolo atoa mata i le ao atoa ma le po. Ona maua lea i le ma’i, ona ua le mafai ona moe, ma tata vave le fatu i le popole. Ona saili togafiti lea i le fomai mo se fualaau e mafai ai ona moe ma malolo. Talu ai le le mulimuli i le taimi ua uma ona fa’atulagaina e le Atua e galue ma malolo.