احنا كمسلمين ومصريين بعد الفيديو ده أقام علينا الحجة وبقى علينا واجب ان احنا نمثل دينا وأخلاقنا باحسن طريقة ممكنة عشان ما نبقاش فتنة لاخوانا المسلمين اللي عايزين يحافظوا على دينهم

انا حقيقي مكسوف من نفسى ، حاسس ان كل همى الحياة و الفلوس ، عمرى ما فكرت فى تطوير عقيدتى أو ديني ، عمرى ما حسيت حتى انى فى نعمه انى فى بلد مسلم

السبب المشترك هو الدين
ياريت نفهم كلنا اساسنا هو الدين

الله يباركلك .. أنا عايش فى أوروبا ومراتى أوروبية وكنت حاسس ان استحالة ارجع أنا و مراتى ونعيش فى مصر .. بس دلوقتى اقسم بالله بعد الفيديو ده خلانى عايز ارجع من بكرة وانا فرحان جدا .. الله يخليك ويبارك فيك يا كريم ✌🏽❤️

هي بالفعل بلد جميلة جدا وانا كمصري محبش ابدا اخرج منها هي بلد جميلة جدا بجد بس للاسف الوضع المادي هو اللي بيحكم علي ٩٩٪ من اللي بيخرجوا من مصر

انت محتاج تعمل ترجمه انجليزي لفيديوهاتك علشان الأجانب يستفادوا بيها

أنا أجنبي من بريطانيا، لي أسبوع في مصر لكن وزرت البلد مرات، الحقيقة أن اهل مصر اناس جدا طيبين متواضعين وقد عشت في الخليج سنوات.

أهل مصر يرحبون الناس و عندهم حب واحترام قوي للإسلام

أسأل الله أن يحفظهم من يريد تضعيف وتفكيك دينهم

الرجل الألباني ده مصري جدا 😃

انا بتفرج على فيديوهات لناس كتير بتسافر و بيجربو الاكل بره و بيقولو ان ده اكل حلال و الكلمة بتعدي عليا عادي جدا..
محستش بقيمة الحاجة دي غير لما الراجل قالها معاك في الفيديو.. احنا بنطلب من غير ما نتأكد ان اللحمة حلال.. و لما قال لما تنزل مش بتفضل تحسب للصلاة انت اي مكان هتروحو هتلاقي مكان تصلي فيه
كل دي نعم الواحد اعتدها و محسش بقيمتها غير لما سمعها و شافها بعيون و تجارب ناس تانية عاشو المعناه دي
جزاك الله خير يا كريم و نفع بيك دايما

للاسف مصر جنة بالنسبة للمقتدر مادياً انما أغلبية الشعب يعانون من الوضع الاقتصادي الي مش مخليهم عارفين يعيشوا حياة ادمية

اي أجبني هيجي هنا يعيش في مصر هيعيش عيشة احسن من اللي عايشها في بلده بسبب المستوي المادي اللي هو جاي بيه من بلده
لكن تعالي بقي للمصري اللي عايش في مصر هل يقدر يعيش في الأماكن اللي الأجانب عايشين فيها  لا طبعا ولا حتي يقدر يحقق المستوي المادي اللي اجنبي عايش بيه في مصر
مصر حلوة للأجانب عشان هما جايين بمستوي مادي عالي ف مصر بنسبالهم هتبقي جنة
لكن المصري بيدور علي اي سبيل للهجرة عشان يقدر يحقق عائد مادي كبير خلال كام سنة و يرجع يعيش العيشة اللي عايشها الأجنبي في مصر او حتي علي اقل يقرب منها

{ وَٱلَّذِینَ تَبَوَّءُو ٱلدَّارَ وَٱلۡإِیمَـٰنَ مِن قَبۡلِهِمۡ یُحِبُّونَ مَنۡ هَاجَرَ إِلَیۡهِمۡ وَلَا یَجِدُونَ فِی صُدُورِهِمۡ حَاجَةࣰ مِّمَّاۤ أُوتُوا۟ وَیُؤۡثِرُونَ عَلَىٰۤ أَنفُسِهِمۡ وَلَوۡ كَانَ بِهِمۡ خَصَاصَةࣱۚ وَمَن یُوقَ شُحَّ نَفۡسِهِۦ فَأُو۟لَـٰۤىِٕكَ هُمُ ٱلۡمُفۡلِحُونَ }
[سُورَةُ الحَشۡرِ: ٩]

سافرت أوروبا بوظيفة محترمة ورجعت مصر تاني  لان مصر ببساطة عيشتها سهلة، الدين موجود، الشمس طول السنة، كل حاجة موجودة حرفيا. على عكس عيشة البرد والضيقة اللي في أوروبا وامريكة. شكرا على الحلقة الجميلة.

الراجل الالبانى دا مستحيل تقول انوا اجنبى مصرى ١٠٠٪. و دى اجمل حاجة فى مصر مش مهم انتا مين مش مهم عرقك مش مهم لونك مش اصلك مصر مجرد انك تتكلم زى الناس و تعيش معاهم خلاص بقيت واحد منهم.

وحشتنى مصر و الله رغم أنها مطلعة عينى بس الغربة دى وحشة فعلا يا ريت نقدر نعيش فى مصر عيشة كويسة و مكناش نبقى مضطرين نسافر.

الحالة الماديه هى اللى تحكم واعتقد انك مانزلتش مصر إلا لما امنت مستقبلك ومستقبل أسرتك .وانك تقدر تعيش فى المدن الجديده اللى فيها ايجيبت مش مصر

شئ حزين جدا ومستفز ان كل الاجانب بيجوا يعيشوا بشوات هنا  بسبب فرق العملة فى حين المصريين عايشين فى فقر مدقع وانت بتحاول تظهر ده كأنه حاجة حلوة وقد ايه الاجانب حلوين ومصر منورة بأهلها الطيبين والكلام الفاضى ده

"في حاجات الفلوس ما بتشتيريهاش، حتي لو معاك فلوس هناك "

صدقني مصر أجمل وأحلى بلد في العالم لو معاك فلوس بس عشان كده ناس كتير نفسها تسافر عشان الفلوس

الناس الجايين مخصوص عشان الازهر ،أثرو فيا جامد حتي نزلت الدموع😢❤ وهم اكتر ناس يستحق الفيديو يكون مركز عليهم . ما غير ذالك عادي مصر بلد فيها مميزات و عيوب زى باقى البلاد و علشان كده احنا بنهاجر . وهنهاجر إن شاء الله .

انت يا كريم سبت انكلترا والآن تقدم محتوى هادف بجد ومن افضل الاشياء في  الحياة الدنيا انك تطلع ذرية صالحة وتقدم حاجة تفيد الناس  وناس كتير بتستنى فيديوهاتك ، واللي فاهم تقديم محتوى هيعرف ان فيديوهاتكوراها شغل وتعب كتير وبتتعمل بطريقة احترافية ، من اول الفكرة والإعداد لحد التصوير والمونتاج ، مجهود رائع بجد