(January 7, 1943)
ဒီနေ့ဟာ Nikola Tesla သေဆုံးခဲ့တာ
၈၃ နှစ် တင်းတင်း ပြည့်ခဲ့ပြီပေါ့😔

Next Level ရောက်တယ်ဆိုတာ သူမှအစစ်ဗျာ

တက်စလာ အကြောင်းလေ့လာရင်
လူတစ်ယောက် ရဲ့ကြီးမားတဲ့စိတ်ရင်းစေတနာတစ်ခုကိုတွေ့နိုင်သလို
လူတစ်စုရဲ့ စိးပွားရေး ပျက်မှာကြောက်တဲ့ စိတ်ကို ထင်ထင်ရှားရှားတွေ့ရမှာပါ

နီကိုလာ တက်စလာဆိုတာ သိပ်ကို ဝမ်းနည်းစရာကောင်းတဲ့ ဉာဏ်ကြီးရှင်တစ်ယောက်ပါ။ သူ့ကို ၁၈၅၆ ခုနှစ်၊ ဇူလိုင်လ ၁၀ ရက်နေ့မှာ အခုခရိုအေးရှားနိုင်ငံဖြစ်တဲ့ Smiljan ကျေးရွာလေးမှာ မွေးဖွားခဲ့တယ်။ သူ့မှာ မယုံနိုင်လောက်အောင် ထက်မြက်တဲ့ မှတ်ဉာဏ်ရှိပြီး ဘာသာစကား ၈ မျိုးကျော် ကျွမ်းကျင်တယ်။ စာအုပ်တစ်အုပ်လုံးကို တစ်ကြိမ်ဖတ်ရုံနဲ့ အာဂုံဆောင်နိုင်တဲ့အထိ ထူးချွန်သူပါ။

သူ့ရဲ့အကြီးမားဆုံး ကျေးဇူးကတော့ လျှပ်စစ်ပြောင်းရီ (AC) စနစ် ကို တည်ဆောက်ပေးခဲ့တာပါပဲ။ သူ့ခေတ်က နာမည်အရမ်းကြီးနေတဲ့ သောမတ်စ် အယ်လ်ဗာ အက်ဒီဆင်က သူ့ရဲ့ တိုက်ရိုက်လျှပ်စီးကြောင်း (DC) စနစ် ကို တွန်းအားပေးနေချိန်မှာ၊ တက်စလာက ဝေးလံသောနေရာကို လျှပ်စစ်အထိရောက်အောင် ပို့ဆောင်နိုင်တဲ့ AC စနစ်ကို အောင်မြင်စွာ တည်ဆောက်နိုင်ခဲ့တယ်။ ဒီနှစ်ဦးနှစ်ဖက်ရဲ့ ပြိုင်ဆိုင်မှုကို "လျှပ်စစ်စစ်ပွဲ" လို့တောင် ခေါ်ကြသေးတယ်။ နောက်ဆုံးမှာ တက်စလာရဲ့ AC စနစ်က အနိုင်ရသွားပြီး ကျွန်တော်တို့ ယနေ့ အိမ်တိုင်းလိုလိုမှာ သုံးနေတဲ့ လျှပ်စစ်ဓာတ်အားဖြန့်ဖြူးရေးစနစ်ရဲ့ အုတ်မြစ်ဖြစ်လာတယ်။

AC စနစ်တစ်ခုတည်းနဲ့တင် သူ့ဂုဏ်က မပြည့်သေးပါဘူး။ တက်စလာ ကွိုင် ဆိုတဲ့ ကိရိယာကလည်း မြင့်မားတဲ့ ဗို့အားလျှပ်စစ်ကို ထုတ်လုပ်ပြီး မီးခြစ်လိုမျိုး အလင်းရောင်တန်းကြီးတွေ ဖန်တီးနိုင်တယ်။ ဝိုင်ယာလက်မဲ့ ဆက်သွယ်ရေး (ရေဒီယို) ကိုလည်း ကြိုတင်ဟောကိန်းထုတ်ခဲ့သူပါ။ သူဆောက်လုပ်ခဲ့တဲ့ Wardenclyffe Tower ကြီးက ကမ္ဘာတစ်ဝှမ်း ဝိုင်ယာလက်မဲ့စွမ်းအင်ပို့နိုင်ဖို့ စမ်းသပ်မှုကြီးတစ်ခုဖြစ်ပေမယ့် ငွေကြေးအခက်အခဲကြောင့် မအောင်မြင်ခဲ့ဘူး။ ရေဒီယိုထိန်းချုပ်တဲ့ လှေလေးတွေ၊ X-ရောင်ခြည်တွေကိုလည်း စမ်းသပ်ခဲ့သူပါ။

သူ့မှာ ထူးဆန်းတဲ့ အလေ့အထတွေလည်း အများကြီးရှိတယ်။ ဂဏန်း ၃ ကို အရမ်းသဘောကျတယ်။ ထမင်းမစားခင် ပန်းကန်ခွက်ယောက်တွေကို တဘက်တစ်ချက်စီ ၁၈ ခါ ပွတ်ပြီးမှ စားတတ်တယ်။ ကြောင်ဖြူတွေကို အလွန်ချစ်တယ်။ နောက်ပိုင်းဘဝမှာတော့ ဒီလို ထူးခြားတဲ့အလေ့အထတွေ ပိုပိုပြီး များလာခဲ့တယ်။

သူ့ဘဝနောက်ပိုင်းပိုင်းဟာ တကယ်ကို စိတ်မကောင်းစရာပါ။ စိတ်ကူးယဉ်လွန်းပြီး စီးပွားရေးအရ မတတ်နိုင်ခဲ့သူပါ။ ၁၉၄၃ ခုနှစ်၊ ဇန်နဝါရီလ ၇ ရက်နေ့မှာ နယူးယောက်မြို့က New Yorker Hotel ရဲ့ အခန်းနံပါတ် ၃၃၂၇ ထဲမှာ နှလုံးသွေးကြောပိတ်ဆို့ပြီး တစ်ကိုယ်တည်း ကွယ်လွန်သွားခဲ့တယ်။ သူသေဆုံးချိန်မှာ ဘေးမှာ သိသာထင်ရှားတဲ့ ပစ္စည်းဥစ္စာ ဘာမှမရှိပါဘူး။ ဒါပေမယ့် အခန်းထဲမှာတော့ မှတ်တမ်းမှတ်ရာ၊ ပုံကြမ်း၊ သုတေသနစာတမ်းတွေ ပြည့်နေတဲ့ သေတ္တာတွေ ရှိနေခဲ့တယ်။ အဲဒီစာတမ်းတွေထဲမှာ "သေမင်းရောင်ခြည်" လို့ခေါ်တဲ့ လက်နက်သစ်ရဲ့ စိတ်ကူးယဉ်ပုံကြမ်းတွေအထိ ပါဝင်နေတယ်လို့ ဆိုကြတယ်။

သူသေဆုံးပြီးနောက်၊ အမေရိကန် FBI က သူ့ရဲ့စာရွက်စာတမ်းအားလုံးကို သိမ်းဆည်းခဲ့တယ်။ စစ်ကြီးဖြစ်နေတဲ့အချိန်ဖြစ်တာကြောင့် သူ့တီထွင်မှုတွေဟာ လျှို့ဝှက်လက်နက်သစ်တွေ ဖြစ်နေမှာစိုးလို့ပါ။ စစ်ဆေးပြီးတဲ့နောက်၊ စာတမ်းအများစုကို သူ့မိသားစုဆီ ပြန်ပို့ပေးခဲ့ပြီး အခုဆိုရင် နယူးယောက်မြို့က Tesla Museum မှာ ပြသထားပါတယ်။ သူ့ရဲ့အလောင်းကိုတော့ Ferncliff Cemetery မှာ သင်္ဂြိုဟ်ထားတယ်။

ဒီတော့ တက်စလာဆိုတာ Smiljan ရွာလေးကနေ New Yorker Hotel အခန်းငယ်လေးထဲအထိ လမ်းကြောင်းတစ်လျှောက် လူသားတွေအတွက် လျှပ်စစ်အနာဂတ်ကို စိတ်ကူးယဉ်ခဲ့သူပါ။ သူသေဆုံးချိန်မှာ ငွေကြေး၊ ပိုင်ဆိုင်မှု ဘာမှမထားရစ်ခဲ့ပေမယ့်၊ မူပိုင်ခွင့်တွေ ၃၀၀ နီးပါးနဲ့ သိပ္ပံနည်းကျ စိတ်ကူးယဉ်မှုရဲ့ အမွေအနှစ်ကြီးကို ထားရစ်ခဲ့ပါတယ်။ သူမရှိတော့ပေမယ့် သူ့စိတ်ကူးတွေက ဒီနေ့ ကျွန်တော်တို့ လက်ကိုင်ဖုန်းတွေ၊ WiFi ကွန်ရက်တွေ၊ Tesla ကားတွေ အားလုံးထဲမှာ အသက်ရှင်နေဆဲပါပဲ။ သူဟာ အနိုင်ရခဲ့ပေမယ့် စိတ်ကူးယဉ်ခြင်းရဲ့ တစ်ကိုယ်တည်း ရှုံးနိမ့်မှုကိုလည်း ခံစားခဲ့ရသူပါ။ တကယ့်ဇာတ်လမ်းတစ်ပုဒ်လိုပါပဲ။

TBHLab ရဲ့တင်ဆက်ပုံက နည်းပညာတွေ စကားလုံးအသုံးအနှုံးတွေနဲ့ အရမ်းကို စိတ်ဝင်စားဖို့ ကောင်းတယ်။တင်ဆက်ပုံ အရမ်းမိုက်တယ်။ဒါမျိုး တင်ဆက်သူက နှစ်ယောက်မရှိဘူး။

ပိုက်ဆံ ဆင်းရဲသွားတိုင်း စိတ်မဆင်းရဲပါဘူး၊ စိတ်ဆင်းရဲသွားတာက ခိုသေလို့

မြန်မာ့သမိုင်းမှာတော့ နန်းလုနေကြတာကြီးပဲ ပညာရှင်ပေါ်လာရင် ထိုင်ခုံပျောက်မှာကြောက်ပြီး အစဖျောက်နေတာနဲ့တိုင်ပတ်နေခဲ့တာ အခုထိပဲ

ကျောင်းသုံးစာအုပ်တွေကို အကုန်ပြန်‌ပြင်မှရမယ် အက်ဒီဆင်ရဲ့နေရာ နီကိုလပ်တယ်စလာကို ထည့်မှမှန်တယ် သမိုင်းစာအုပ်တွေက အလိမ်အညာတွေကြီးပါ

Edison ဆိုတာ ကောက်ကျစ်တဲ့စီးပွားရေးသမားသာသာပဲ Teslaနဲ့ယှဥ်ရင်

လူသားတွေ ကောင်းဖို့ စဉ်းစားလုပ်ဆောင်သူတိုင်းဟာ နောက်ဆုံးမှာတော့ ဘာမှမရှိပဲ တိတ်တိတ်လေး ထွက်ခွါသွားတက်တယ်။ ဒါပေမဲ့ ကမ္ဘာမကုန်မခြင်း လူသားတွေက သတိရနေကြဆဲပါပဲ။ အခုခေတ်မှာ သူသာလူသားဖြစ်လာရင် လူဂြိုလ်သားဖြစ်မှာပါ။

နှစ်တစ်ရာစောမွေးလာတာမဟုတ်ဘူး right time မွေးလာတာ သူသာမရှိခဲ့ရင် ဒီလိုခေတ်ရောက်လာဖို့ ဘယ်လောက်ကြာမလဲဘယ်သူမှမသိဘူး

နည်းပညာ တွေထဲမာ အကြိုက်ဆုံးနည်းပညာပါ တကယ်

Tesla နဲ့ German က ပညာရှင်တွေနဲ့ပေါင်းလိုက်တော့ USA က World Number 1 ဖစ်သွားတာပေါ့

အခုကြိုးမဲ့အားသွင်းစနစ်တွေက လဲ သူ့နည်းပညာကိုအခြေခံတာဆိုမမှားဘူး

🫩🫩🫩သူသာအခုခေတ်မှာမွေးရင်...အခုခတ်ကလည်း...သူမွေးခဲ့တဲ့ခေတ်လိုပဲ့ရှိနေမှာပေါ့...
အခုလတ်လိုရှိလာတာက သူ့ကြောင့်မလို့..လေ

တကယ်တော့ Nikola Tesla က Edison လောက်တောင် အရေးပေးမခံရတဲ့ ဉာဏ်ကြီးရှင်ဖြစ်နေခဲ့ရတာ ဝမ်းနည်းစရာပဲ ဒါပေမယ့် ငါတို့ မြန်မာနိုင်ငံက နေ့စဉ်နဲ့ အမျှ Nikola Tesla ရဲ့ ကျေးဇူးကို အမြဲတမ်း သတိရနေအောင်လို့ လျပ်စစ်မီး ကိူ ခဏခဏ ဖြတ်ပေးနေပါတယ် 😅

အက်ဒီဆင်က တီထွင်သူနဲ့တူပြီး၊ တက်စလာ က တီထွင်သူထက် ပိုမြင့်တဲ့ သိပ္ပံပညာရှင်နဲ့ တူတယ်။
တီထွင်သူဆိုတာက လက်တွေ့လုပ်တာ မှန်ပေမဲ့ ဟိုဟာစမ်းစမ်း၊ ဒီဟာစမ်းစမ်းနဲ့ လုပ်ကြည့် လုပ်ကြည့်ရင်း အောင်မြင်သွားတာမျိုး။ သိပ္ပံပညာရှင်ဖြစ်တဲ့
Physics ရူပဗေဒပညာရှင်ကတော့ သူရည်ရွယ်တာကို လုပ်နိုင်ဖို့ အရင်ဆုံး Theory တွေကို ရှာဖွေတွက်ချက်တယ်။စာရွက်ပေါ်မှာ တွေ့ရှိတာဆိုပေမဲ့ ရူပဗေဒ ၊သင်္ချာ နည်းအရ မှန်ပြီဆိုရင် လက်တွေ့ လုပ်ကြည့် မလွဲစတမ်း မှန်တဲ့မျိုး။
တက်စလာဟာ ရူပဗေဒမှာတင်မက သင်္ချာပညာမှာလည်း ဘုရင်တစ်ဆူပါပဲတဲ့။ အစက်အပြောက်တွေ နဲ့ ကျားသစ်တွေဟာ  အစက်အပြောက်
မရှိတဲ့ ဆင် တွေလို ဘယ်လိုမှ ခန္ဓာကိုယ်မကြီးနိုင်ဘူးဆိုတာ ၊ အစက်အပြောက်မရှိလေ ခန္ဓာကိုယ်အရွယ်အစားလည်း ကြီးလေပဲဆိုတာကို သင်္ချာပညာရပ်နဲ့  သီအိုရီ တစ်ခု
တက်စလာ တွက်ပြထားတာ ရှိတယ်။
တကယ်ကြီးကို အံ့ဩစရာကောင်းတဲ့ ခေတ်ကြိုပြီး မွေးခဲ့တဲ့ သိပ္ပံပညာရှင်တစ်ဦးပေါ့ဗျာ

SUPER GENIUS ပါဗျာ telsa က
ဒါနဲ့ Edison ကလုကြမ်းကြီးပေါ့😂

This type of content is what people really need .💯

Humanlity one and only magician:
(Record of ragnorkထည်းကနေစသိတာteslaကို)