Զավզակներ 30 I Բլոգինգը թողնեմ՝ հաստատ սովորական գործ չեմ անի I Շուշան Ստեփանյան

Անկեղծ ու հումորային զրույց #բլոգինգ ի, էսթետիկ կոնտենտի, ճամփորդությունների, գումարի, գովազդների և սոցիալական ցանցերում ստեղծված կերպարի մասին։ Ո՞րն է #ՇուշանՍտեփանյան ի ամենաոչ էսթետիկ սովորությունը, ինչպե՞ս է վերաբերվում ռեստորանների ու հյուրանոցների հյուրասիրություններին, ինչ են բլոգերները քննարկում իրենց գաղտնի չատերում, և ի՞նչ կաներ, եթե մի օր Instagram-ն ու մյուս սոցիալական հարթակները պարզապես անհետանային։

Խոսում ենք նաև միայնակ ճամփորդելու, 34 երկրներում ունեցած փորձի, Փարիզում մենակ լինելու զգացողության, Մանիլայում վտանգ զգալու և Եգիպտոսում իրեն գողանալու փորձի մասին։ Ինչպե՞ս է ստացվում ամիսներով ճամփորդել բլոգինգից ստացած եկամուտով, եղե՞լ է պահ, երբ ճանապարհորդության վերջում գումարը վերջացել է, ինչու է երբեմն գեղեցիկ վայրը տեսախցիկով ավելի շատ վայելում, քան հենց այդ պահին, և ինչ սահմաններ է դնում մարդկանց հետ հարաբերություններում։

Իսկ վերջում՝ բրինձ հարցեր, հյուրանոցից վերցրած հողաթափեր ու կոնդիցիոներ, մի ամբողջ տարի առանց հեռախոսի աշխարհով մեկ ճամփորդելու առաջարկ, նախկինների համար սենյակի անուն, բամբասանքներ ընկերների ու հայտնի դեմքերի մասին և բազմաթիվ անկեղծ պատմություններ։ Մի թողարկում, որտեղ էսթետիկ կոնտենտի հետևում երևում է շատ ավելի անմիջական, ինքնահեգնական ու ազատ Շուշանը։