匯豐澳洲嘅零售銀行業務，2025年除稅前溢利仲有 6 億幾澳元，按年仍然升近一成。話雖如此，匯豐澳洲嘅樓按市場，市場佔有率只得1.5%；四大銀行加埋第五大嘅麥格理，都遠遠拋離佢。

最終，匯豐澳洲都係要賣盤退場；360 億澳元嘅樓按同個人貸款組合，由黑石旗下嘅Virgo BidCo接手，佩珀金融負責日常貸款服務。呢單交易其實早在 2023 年 12 月佩珀接手匯豐紐西蘭嘅按揭組合就已經開始，到今年 7 月 31 日先至有最後答案。

匯豐整個集團市值當然大，但喺澳洲呢個高度集中嘅市場，佢從來都唔係主要玩家。規模太細之下，合規成本反而不合比例咁高。聯邦銀行行長話，單係防詐騙，佢哋每年就要洗9億澳元；要知道匯豐澳洲全年先賺 6 億，各種合規嘅固定成本肯定嚴重影響匯豐澳洲零售銀行業務。2024 年一連串冒充匯豐嘅SMS詐騙案，最終演變成澳洲證券及投資委員會（ASIC）向匯豐提告，判罰3500萬澳元，有苦主嘅戶口甚至被封鎖542日先解封。連匯豐自己主打嘅信用卡回贈，喺澳洲呢個高度集中嘅市場度都幾乎冇得賺。

更重要係，匯豐有更多更好嘅方法選擇，趁有價有市將零售業務出售，係非常之合理嘅決定。

00:00:00  匯豐宣布退出澳洲零售銀行，賺緊錢點解仲要走？
00:00:53  黑石、佩珀金融接手，360億澳元樓按組合易手
00:01:51  由2023年佩珀接手紐西蘭到今年7月31日公佈全面退場
00:04:23  澳洲市場現實：360億只係大餅嘅1.5%，匯豐從來唔係主要玩家
00:10:23  合規成本有幾高？聯邦銀行防詐騙每年洗9億
00:16:33  2024年冒充匯豐嘅SMS騙案
00:27:09  大雞唔食細米：匯豐有更好嘅賺錢方法
00:31:02  銀行控制唔到嘅環節：SMS認證與網絡安全
00:42:06  由加密貨幣睇安全悖論：方便本身就係罩門

【實用經濟學】 實用經濟學

【日常政治學】 日常政治學

【時事短打】 時事短打

如果你覺得我嘅分享畀到你唔同嘅睇法，希望你會願意加入成為會員支持我繼續發聲：

@leesimon

此頻道既為香港人而設，內容以粵語為本。

利世民，香港人，自媒體 unsubject 主筆，自由主義者，樂天知命，不問鬼神。形而上虛無主義者。角色屬性混沌中立；長期處於身份存在危機；總覺得三言兩語間未能介紹自己。過去四分一世紀，平均每半年有個新興趣；課題涵蓋物理心理、政治經濟、歷史、宗教、哲學。