ليه المصريين كانوا بيهتفوا ضد فاروق بأمه؟ الحكاية بتبدأ من بنت اتخطفت من خطيبها لقصر السلطان.. وبتخلص بملكة مفلسة في أمريكا.

في الحلقة دي بنحكي حكاية الملكة نازلي صبري من أولها لآخرها: البنت اللي اتربت في بيت سعد زغلول وكانت موعودة لسعيد زغلول، لحد ما شافها السلطان فؤاد في الأوبرا واتجوزها بأمر من القصر. ١٧ سنة محبوسة في جناحها، ممنوعة حتى تنزل جنينة القصر، وابنها مسموحلها تشوفه ساعة ونص في اليوم بس.

وبعد موت فؤاد، بتطلع نازلي تانية خالص: أحمد حسنين باشا، وأسمهان، وسهرات القدس، ورحلة أمريكا ورياض غالي.. لحد ما اتحولت سيرتها لهتاف في الشارع ضد ابنها الملك.

ومش هنحكي الحكاية بس، هنقول كمان إيه اللي متوثق وإيه اللي مجرد إشاعة، ومين من الكتّاب قال إيه.

📚 المصادر
مصطفى أمين، "من واحد لعشرة"
كتابات محمد التابعي
مذكرات سعد زغلول
مذكرات جيردا سجوبرج (مربية فاروق)
شهادة فريد الأطرش

إحنا شادي المسعودي وكريم الراوي، اتنين عشاق للتاريخ، وكل حكاية عندنا حتة من لوحة كبيرة. لو الحكاية عجبتك، اشترك وفعّل الجرس، وقولنا في الكومنتات: تفتكر نازلي كانت ضحية ولا جانية؟
----------
📲 تابعونا
يوتيوب: @قول_يا_راوي
إنستجرام: Instagram: 2oolyarawy
فيسبوك: Facebook: 1AiReWWadz
تيك توك: TikTok: 2oolyarawy

#الملكة_نازلي #الملك_فاروق #قول_يا_راوي